ՀՇԲ-ն ըստ Արգամ Ուստյանի

-Բարև Արգամ : Արդեն շատերին է հայտնի քո բլոգը www.argamblog.com - ը : Ունես շատ հետաքրքիր բլոգ , որը միշտ թարմ նորություններ է ներկայացնում : Մինչ բուն թեմային անցնելը պատմիր մի փոքր քո մասին, ինչպե՞ս  որոշեցիր ունենալ քո պաշտոնական բլոգը :

- Բարի օր, նախ ուզում եմ շնորհակալություն հայտնել Ձեզ, արտահայտած կարծիքի համար:  Ես սովորում եմ Հայաստանի Պետական Ճարտարագիտական համալսարանի 3-րդ կուրսում, սովորելուն զուգահեռ աշխատում եմ որպես հեռուստառադիոհաղորդավար, ռադիոյի եթերում արդեն մի քանի ամիս է ինչ եթեր է հեռարձակվում մի հաղորդավար, որը կոչվում է ` «Արգամ Ուստյանի բլոգը ներկայացնում է» : Հաղորդման շրջանակներում ռադիոլսողներին տեղյակ եմ պահում բլոգի ամենասենսացիոն և աղմկահարույց նորություններին: Այժմ արդեն նկարահանման աշխատանքներ են տարվում հեռուստաընկերության համար: Շուտով եթեր կհեռարձակվի իմ հեղինակային հաղորդաշարը, որը կվարեմ տաղանդավոր հաղորդավարուհի ` Նառա Եսայանի հետ միասին: Այս պահին մի փոքր պատմեմ բլոգի մասին: Ուղիղ 1 տարի առաջ իմ կողմից բացվեց իմ ներկայիս` www.argamblog.com-ը զուտ բարեգործական նպատակով: Այժմ բլոգում շոշափում եմ տարբեր թեմաներ` շոուբիզնեսից մինչ բժշկություն:

-Թեման ՀՇԲ-ն է:

-Ի՞նչ կարծիքի ես այսօրվա ՀՇԲ-ի մասին:

- Տվյալ պարագայում պետք է նշեմ, որ վիճակը իրոք շատ ծանր է: Շատ մարդիկ աշխատելով այդ ասպարեզում մեկը մյուսին խանգարելով կարծես թե փորձում է իր տեղն ամրապնդել և ավելի մեծ ճանաչում ձեռք բերել: Ամեն դեպքում ունենք լավ ներկայացուցիչներ: Եթե խոսքը գնում է երգարվեստի մասին, ապա պետք է ասեմ, որ կան և տաղանդավոր և անտաղանդ երգիչ-երգչուհիներ: Չգիտեմ այսօր պետք է մաղել այդ ասպարեզը, սակայն գիտակցում եմ, որ դա գրեթե անհնարին է, որովհետև ֆինանսական կարողություններով հարուստները Հայաստնում դեռ չեն ուզում զիջել իրենց տեղերը տաղանդավորներին: Դրա համար էլ այսօր որակյալ երաժշտության փոխարեն շատ հաճախ լսում ենք գոռոցներ ու սրտաճզմլիկ երգեր:

-Ըստ քեզ ի՞նչն է պակասում մեր ՀՇԲ-ին :

- Հզոր վոկալային տվյալներ ունեցող երգիչների պակաս հաստատ կա հայկական շոուբիզնեսում:

-Ի՞նչու է հայ երիտասարդությունը նախնտրում լսել ավելի շատ արտասահմանյան երաժշտություն ոչ թե հայկական:

- Ինձ թվում է այդ վիճակը գերակշռում է ոչ միայն Հայաստանում, այլ ամբողջ աշխարհում:  

-Ի՞նչ ես կարծում ճիշտ էր այն,որ Հայաստանը որոշեց չմասնակցել Եվրատեսիլ երգի մրցույթին ,որը այս տարի պետք է տեղի ունենա 2011 թվականին Եվրատեսիլում հաղթած Ադրբեջանում:

- Հարցազրույցներին մեկի ժամանակ կարծիք էի արտահայտել, որ ճիշտ կլինի եթե Հայաստանը մասնակցի, պետք չէ ամեն ինչ քաղաքականացնել: Ամեն դեպքում եթե ընդունվեց մրցույթին չմասնակցելու որոշումը, ապա եկեք այդ հարցը այլևս աննպատակ չքքնարկենք, ուղղակի ընդունենք և հուսանք, որ դա ճիշտ ընտրություն էր: Ես համամիտ եմ շատերի կողմից հնչեցված կարծիքի հետ, որ ամենասկզբից պետք էր հրաժարվել մասնակցել մրցույթին և կրքերը այս աստիճան չբորբոքեին:

Շնորհակալություն Արգամ հետաքրքիր զրույցի համար :