Ովքե՞ր են ջերմացրել Սիրուշոյին, Սյուզանին, Անդրեին եւ Զառային:)

Ովքե՞ր են ջերմացրել Սիրուշոյին, Սյուզանին, Անդրեին եւ Զառային:)

Երեւանի թիվ 194 դպրոցում օրերս տեղի ունեցած հանդեսին մասնակցել են Երեւանի բոլոր համայնքների մանկապարտեզները` Սյուզան Մարգարյանի “Նոր տարի” ձայնասկավառակի երգերի  հիման վրա ներկայացնելով բեմականացումներ:

Հանդեսի սկզբում ներկաներին հյուրընկալվել են Ձմեռ պապն ու Ձյունանուշը, հետո նաեւ որպես ժյուրիի անդամներ երեխաներին հյուր են եկել Սյուզան Մարգարյանը, Անդրեն, Զարուհի Բաբայանը եւ Սիրուշոն:  

Sirushon ev Syuzan Margaryan@

Ամանորյա հանդեսին հաղթողներ ու պարտվողներ չկային, ժյուրին էլ այն կարծիքին էր, որ երեխաների միջեւ մրցակցությունն ավելորդ է: “Բոլորն այնքան լավն են, որ հնարավոր չէ առանձնացնել”, - նշել է Սյուզան Մարգարյանը, իսկ Սիրուշոն հետեւյալն է նշել. “Ավելի լուրջ համերգներին այսպես չեն պատրաստվում, ինչպես երեխաներն էին պատրաստվել իրենց ելույթին”: 

“Երբ երգ ես գրում ինքդ քեզ համար այլ է, երբ այն հնչում է ուրիշների՝ հատկապես երեխաների շուրթերից, ջերմ զգացողություն է: Երբեք չես կարող կռահել՝ որ երգը կսիրվի: Ուրախ եմ, որ երեխաները սիրել են այս երգերը: Իսկապես տոն է բոլորիս համար, երբ մենք նստած ենք, երեխաները երգում են: Կարծում եմ, եթե նրանց կողմից հետաքրքրություն չլիներ, չէին սովորի”, - ասել է Սիրուշոն: